Гонконгда бўлиб ўтган Sotheby's аукционида XV асрда, Хитойнинг Мин сулоласи даврида тайёрланган чинни коса 29,5 миллион долларга сотилди. Бу ҳақда «РБК» хабар бермоқда.
Мазкур харид Хитойда ушбу даврга оид буюмлар учун белгиланган энг юқори нархлардан бири бўлди. Оқ чиннидан тайёрланган, диаметри 23 сантиметр бўлган коса балиқлар ва нилуфар гуллари билан безатилган.
Sotheby's аукцион уйи вакилига кўра, 6 аср аввалги коса жуда яхши сақланган. 1963 йилда Токио миллий музейи, 1966 йилда эса Киото музейида намойиш этилган.
Маълумот учун, Мин сулоласи даврига оид чинни буюмлар орасида баҳоси бўйича биринчи ўрин хўрозлар тасвири билан безатилган косага тегишли бўлиб турибди. У 2014 йилда Гонконгда 36,5 миллион долларга сотилганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)