Санкт-Петербург метросидаги терактнинг эҳтимолий ижрочиси сурати эълон қилинди. Видеокузатув камераси томонидан олинган сурат «Фонтанка» нашри томонидан эълон қилинган.
«РЕН» телеканали ҳам видеокузатув камераси кадрини эълон қилган бўлиб, унда, телеканалнинг қайд этишича, Петербург метросидаги теракт ижрочиси тасвирланган.
Аввалроқ «Интерфакс» агентлиги терговга яқин манбаларга асосланиб, эҳтимолий террорчи видеокузатув камералари назарига тушгани ҳақида хабар берган эди.
Дастлабки маълумотларга кўра, шикастловчи элементлар билан тўлдирилган портловчи ускуна «кўк» линия бўйлаб ҳаракатланаётган поездлардан бирининг вагонида, портфел ичида қолдирилган. Портлаш «Сенная плошчад» ва «Технологический институт» бекатлари оралиғида юз берган.
Россия Миллий аксилтеррор қўмитасининг хабар беришича, «Плошчад Восстания» бекатида яна бир портловчи ускуна топилган. Бомба зарарсизлантирилган, дея хабар бермоқда Meduza.
СРОЧНО. В сети появились ФОТО обезвреженной бомбы на станции метро "Площадь Восстания pic.twitter.com/zLx4ooBmsr
— Пятый канал Новости (@5tv) April 3, 2017
Сўнгги маълумотларга кўра, портлаш оқибатида 10 киши ҳалок бўлган, камида 47 киши жабрланган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)