Оролнинг қуриган тубида яйлов ва ўрмонзорлар барпо этиш кенгаяди

Нукусда «Ўзбекистоннинг қурғоқчил ҳудудларида жойлашган фермер ва деҳқон хўжаликларида иқлим барқарорлигини таъминлаш» мавзусида семинар ўтказилди.Бу ҳақда ЎзА хабар бермоқда.

БМТ Тараққиёт дастури ва Вазирлар Маҳкамаси ҳузуридаги Гидрометеорология хизмати марказининг «Ўзбекистоннинг қурғоқчил туманларида жойлашган фермер ва деҳқон хўжаликларининг иқлимий барқарорлигини таъминлаш» лойиҳаси доирасида ташкил этилган тадбирда тегишли вазирлик, илмий-тадқиқот институтлари мутахассислари, олимлар, фермер хўжаликлари, ННТ ва ОАВ вакиллари иштирок этди.

Қорақалпоғистон Республикасининг Мўйноқ, Тахтакўпир, Чимбой, Кегейли ва Қанликўл туманларида олиб борилаётган мазкур лойиҳага кўра, доривор ўсимликлар етиштиришни ривожлантириш, Қуйи Амударё минтақасида қурғоқчиликнинг олдини олиш, бу ҳақда аҳолини олдиндан хабардор қилиш тизими яратилди.

Семинарда иқлим ўзгаришига боғлиқ қишлоқ хўжалиги маҳсулотлари етиштириш барқарорлигини таъминлаш, чорва моллари учун яйловларни кенгайтириш, тупроқни деградациядан муҳофаза қилиш, намликни сақлаш, Орол денгизи тубида кўчма қумларни тўсиш, бу борада аҳолининг фаол иштирокини таъминлаш баробарида янги иш ўринлари ташкил этиш ҳақида фикр алмашилди.

«Дарё»нинг Telegram’даги расмий канали — @toshqindaryo’га аъзо бўлинг!