Тошкентда ёшлар маърифий ва таълим ресурсларига киришига имкон берувчи ZiyoNET махсус тариф режаларини жорий этишга бағишланган матбуот анжумани бўлиб ўтди. Бу ҳақда «Дарё»га тадбир мутасаддилари маълум қилди.
Мазкур хизмат ва тарифлар бир неча йил мобайнида юридик шахслар учун (таълим, кутубхона ва бошқа маданият муассасалари) имтиёзли ZiyoNET тариф режасини жорий этиш тажрибаси асосида ишлаб чиқилди.
Мазкур тариф режалари доирасида ZiyoNET тармоғининг интернет миллий ва хорижий сегментига мансуб илмий-оммабоп, маънавий-маърифий ресурсларни ўз ичига олувчи Ахборот ресурслари ягона реестрига кириш имконияти яратилади. Уларни жорий этишда ёшлар учун фойдали бўлишдан ташқари нарх жиҳатдан қулай бўлишига ҳам эътибор қаратилди.
Ҳозирда ZiyoNET Ахборот ресурслари ягона реестрига таълим, маданият, спорт, бизнес, тиббиёт, кўнгилочар, шунингдек, энг кичик ёшдаги болалар учун учун мўлжалланган 3 мингга яқин ресурс киритилган. Рўйхат доимо янгиланиб борилади.
Ташкилотчилар фойдаланувчиларни ёшлар учун қизиқарли ва фойдали бўлган янги ресурсларни таклиф этиш, шунингдек, ўзлари ҳам бепул равишда шахсий веб-сайтларини яратишга чақирди.
Изоҳ (0)