Канада қуролли кучлари АҚШ армияси томонидан ўтказиладиган ҳарбий машғулотларда иштирок этади. Машғулотларда икки мамлакат ҳарбий кучларининг дала шароитида бирлашиши бўйича ўзаро ҳаракат устида ишланади. Бу ҳақда Канада миллий мудофаа вазирлигининг хабарига таяниб, «ТАСС» маълум қилди.
АҚШ қуролли кучларининг Warfighter деб номланган машғулоти Вашингтон штатининг Такома шаҳри яқинидаги Льюис-Макчорд ҳарбий базасида жорий йилнинг 27 мартидан 13 апрелигача бўлиб ўтади. Канада томонидан машғулотларда 1-механизациялаштирилган бригаданинг 150 нафар аскар ва офицери иштирок этади.
Вазирлик томонидан берилган хабарда таъкидланишича, бригада аскарлари ва офицерлари Украина қуролли кучлари аскарларини ўқитишда, шунингдек НАТОнинг Шарқий Европадаги операцияларида иштирок этади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)