Дубай полицияси энг тезкор хизмат автомобили туфайли Гиннесснинг рекордлар китобига кирди. Бу ҳақда «Газета.ru» хабар бермоқда.
Дубай полицияси хизматидаги Bugatti Veyron’нинг энг юқори тезлиги соатига 407 километрни ташкил қилади.
Дубай полицияси автопаркида жами 14 та суперкар, жумладан, Ferrari FF, Lamborghini Aventador, атиги 77 нусхада ишлаб чиқарилган Aston Martin One-77 моделидан бири, Bentley Continental GT, учта Porsche Panamera ва иккита BMW i8 мавжуд.
Аввалги рекорд автопаркида максимал тезлиги соатига 370 километрга тенг Lamborghini Gallardo LP560-4 бўлган Италия полициясига тегишли эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)