Ўзбекистон ва Қозоғистон чегарасида иккита янги ўтказиш пунктлари пайдо бўлади, мавжуд учтаси эса кеча-ю кундуз иш тартибига ўтади, дея хабар қилади «Казинформ».
«Биз мамлакатларимиз ўртасидаги ҳамкорликни яхшилашнинг барча чораларини кўряпмиз. Ўзбекистон билан чегарада қўшимча иккита ўтказиш пунктини очиш режалаштирилмоқда, шунингдек, автомобиллар учун мўлжалланган амалдаги ўтказиш пунктлари кеча-ю кундуз иш тартибига ўтказилади», — дея хабар берди Остонада бўлиб ўтган ўзбек-қозоқ форуми доирасида Қозоғистон Республикасининг инвестиция ва тараққиёт вазири Женис Касимбек.
Вазир, шунингдек, Қозоғистон пойтахтидан Тошкентга иккита рейс ишга туширилиши ҳақида ҳам маълумот берди.
«Куни кеча Олмаота—Тошкент, Тошкент—Олмаота тезюрар йўловчи поездлари ишга туширилди ва ҳозирда уларга чипта қолмаган. Остонадан Тошкентга ҳафтасига иккита қўшимча рейс учади. Яъни Олмаотадан 12 та рейсимиз бўлса, Остонадан деярли кунига олтита учади», — деб қўшимча қилди вазир. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)