Тайванлик фуқаро ёқиб юбориш ва шу тариқа ўлган яқинларига «етказиш» учун Lamborghini Aventador’нинг қоғоз нусхасини ясади. Бу ҳақда «Мотор» хабар бермоқда.
Суперкарнинг тўлиқ шаклдаги нусхасида энг майда қисмларигача ўйланган бўлиб, моделнинг деярли барча аэродинамик элементлари, оптика деталлари мавжуд, мотор қисмидаги қопқоқ ҳам назардан қочирилмаган. Муаллиф ҳатто қоғоздан «купе» ўриндиғини ҳам ясади.
Тайванлик машинани апрель бошида ўтказиладиган марҳумларни ёдга олишдан иборат анъанавий Хитой байрами—Цинминга бағишлаб тайёрлади. Бу кунда аждодлар қабри зиёрат этилади, уларга ҳадя сифатида эса нариги дунёда «фойдаланишлари» учун бирор буюм ёқиб юборилади.
Изоҳ (0)