КХДР оммавий қирғин қуроли яратишда сезиларли силжишга эришган. Бу ҳақда Жанубий Корея мудофаа вазирлиги томонидан тарқатилган баёнотда маълум қилинди, дея хабар беради «ТАСС».
Вазирлик шу тариқа Пхеньян томонидан яқинда ўтказилган янги ракета двигатели синови якунларига баҳо берди.
«Синовлар Шимол двигатель самарадорлиги борасида сезиларли силжишга эришганини кўрсатди. Янги двигатель қитъалараро баллистик ракета учун фойдаланилиши мумкин», — дейилади баёнотда.
Жанубий Корея мудофаа вазирлигига кўра, бу борада янада тўлиқ таҳлил ўтказиш учун кўпроқ вақт талаб этилади.
Эслатиб ўтамиз, КХДР етакчиси Ким Чен Ин мазкур синовдан сўнг бошқа мамлакатлар технологияларига боғлиқ бўлмаган миллий ракета саноати дунёга келганлигини маълум қилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)