Американинг Yahoo компанияси янги бош директори 52 ёшли Томас Макинерни йилига 2 миллион доллар маош олади, дея хабар бермоқда «ТАСС». У учун белгиланган маош ушбу постда ундан олдин ишлаб, хакерлик ҳужумлари ҳақидаги ахборот фош бўлиши билан боғлиқ инқирозни ҳал этишни эплай олмаган Марисса Майернинг маошидан икки карра зиёдроқдир.
Аввалроқ хабар берилганидек, директорлар кенгаши Майерни йил якунлари бўйича мукофот пулидан маҳрум этишга қарор қилган эди. Аммо NBC маълумотларига кўра, собиқ бош директорга шартнома муддатидан олдин бекор қилингани учун 23 миллион доллар миқдорида компенсация тўланади, шунингдек, Yahoo’нинг 57 миллион долларлик қимматбаҳо қоғозларини олиш имконияти тақдим этилади.
Майернинг ўзи Altaba деб қайта номланадиган компанияни тарк этмаяпти, у Yahoo’нинг Alibaba Group Holdings’даги улушини назорат қилувчи кичик шўъба корхонасига раҳбарлик қилади.
Изоҳ (0)