Цюрих университети олимлари тажриба ўтказиб, итлар ўз манфаатлари йўлида одамларни манипуляция қила олиши (ўз йўриғига сола олиши)ни исботлади, деб ёзади Meduza.
Экспериментда турли зотларга мансуб 27 та ит иштирок этди. Ҳайвонлар қаршисига учта қути қўйилди: биринчи қутида мазали сосиска, иккинчисида итлар учун печенье бор эди, учинчиси эса бўш эди. Итлар навбат билан икки кишини қутилар ёнига олиб бориши керак эди. Бунда экспериментнинг биринчи иштирокчиси қутидаги егуликни итга бериши, иккинчиси эса ўзига олиб қолиши керак эди.
Жониворлар одамларни манипуляция қилишни тезда ўрганиб олди. Агар кучукка егуликни бўлишадиган одам «дуч келса», у бу одамни сосискали қути ёнига олиб борди, егуликни ўзига қолдирадиган одамни эса бўш қутига олиб борди.
Цюрих университети олими Марианна Хеберлейн сўзларига кўра, итлар қатъий қоидаларга риоя қилмаган ва ўз хулқида мисли кўрилмаган ўзгарувчанликни намоён қилган.
Изоҳ (0)