БМТ Хавфсизлик кенгаши 8 март, чоршанба куни Шимолий Корея томонидан ракеталар учирилиши бўйича ёпиқ маслаҳатлашувлар ўтказади. Бу ҳақда «Газета.ru» хабар бермоқда.
Маслаҳатлашувлар Тошкент вақти билан 20:00 да бошланиши кўзда тутилган.
АҚШ, Япония ва Жанубий Корея маслаҳатлашувларни ўтказиш ташаббускори бўлди. Олдинроқ ушбу мамлакатлар ташқи ишлар раҳбарлари ўзаро музокаралар ўтказгани маълум қилинганди.
КХДР ғарбий соҳилидан Япон денгизи йўналишида тўртта ракета учирди. Япония ҳукуматининг маълум қилишича, ракеталар минг километрга яқин парвоз қилган ва улардан учтаси Япониянинг махсус иқтисодий зонаси ҳудудига қулаган.
Изоҳ (0)