4 март куни Тошкент шаҳридаги «Наврўз» ресторанида Ўзбекистон Республикаси Президенти Шавкат Мирзиёев Ўзбекистон хотин-қизларини 8 март айёми билан табриклади. Бу ҳақда Ёзувчилар уюшмаси аъзоси, Ўзбекистонда хизмат кўрсатган маданият ходими Умида Абдуазимова ўзининг Facebook’даги саҳифаси орқали маълум қилди.
Хабарда қайд этилишича, Президент ўз нутқида Ўзбекистон ривожига ҳисса қўшаётганларнинг 72 фоизини аёллар ташкил этишини таъкидлаган.
Умида Абдуазимова сўзларига кўра, шу куни Ўзбекистон президенти томонидан Зулфия мукофоти совриндорларига ҳужжат ва кўкрак нишони ҳам топширилди.
Умида Абдуазимова тадбирдан олган ҳиссиётлари билан қуйидаги сўзлар орқали ўртоқлашди:
Ишлаганлар дам олишни ҳам билиши керак. Мана, ҳамма таниқли санъаткорлар хизматингизда. Хоҳлаганингизни айтинг, уларни ҳам чақираман — деди юртимиз раҳбари.Яна «ноқобил фарзанд ўстирган ота-онани қонунан жазолаш керак», деганларида ҳамма баробар қарсак чалиб юборди. Рост-да, ота-онадаги эътиборсизлик сабаб, нега устозлар азият чекиши, жамият шикастланиши керак?...
Ҳа, биринчи президентимизнинг тарихий ишларини таъкидлаб, мамлакатимиз равнақига ҳисса қўшган барча давр қаҳрамонларини номини жойига қўйишга ундашлари ҳар қанча эъзозга лойиқ.
Эътибор қилинг-а, ҳар маърузаларида албатта биринчи президентимизни тилга оладилар. Ўз устозлари номини дунёдаги демократик мамлакатларнинг марҳум лидерлари Жорж Вашингтон, Шарль де Голль, Мустафо Камол Отатурк номига тенглаштиришлари дилимни қувнатди.
Кеча ишини ўрганиб, у кетгач ўрнини эгаллаган айрим раҳбарчаларга сабоқ бўлиши керак бу!
Изоҳ (0)