Ироқ армиясининг аксилтеррор бўлинмалари ғарбий Мосулдаги биринчи даҳа устидан назоратни тиклади. Бу ҳақда Мосул кампанияси қўмондони генерал Абдуламир Яралла маълум қилди, дея хабар беради «ТАСС».
«Махсус бўлинма отрядлари Ал-Маъмун даҳасини қайтариб олишга муваффақ бўлди. Бу ердаги биноларда Ироқ давлат байроғи кўтарилди», — дея таъкидлади генерал.
Маълумотларга кўра, Ат-Тайаран ҳудудида мамлакат полицияси ИШИД мудофаасини ёриб ўтди.
Ҳукумат кучлари ғарбий Мосул марказидан уч километр берида турибди, уларнинг ҳаракатланиши баробарида тинч аҳоли эвакуацияси олиб борилмоқда. Охирги сутканинг ўзида Мосулнинг ғарбий даҳаларидаги уйларини 2 мингдан ортиқ ироқлик тарк этди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)