Телекоммуникация саноати учун мобил интернет соҳасида технологик ечимлар тақдим этувчи йирик халқаро компания ҳисобланган ZTE Corporation Smartfren Telecom Tbk (Индонезия) компанияси билан биргаликда Pre 5G Massive MIMO технологияси негизидаги хизматлар синовини муваффақиятли якунлади.
Smartfren Telecom Tbk ширкати Pre 5G технологиясини тижорат синовидан ўтказган Жануби-шарқий Осиёдаги биринчи компания бўлди. Ушбу технология операторларга тўртинчи авлод (4G) технологияларидан бешинчи (5G) авлод технологияларига ўтиш имконини беради. Шу муносабат билан ташкил этилган матбуот анжуманида Smartfren компанияси Pre 5G Massive MIMO технологиясини қўллашдан олинган реал натижани намойиш этди.
Pre 5G Massive MIMO базаси Teras Kota савдо марказига ўрнатилди, бу эса бино ичида маълумотлардан фойдаланиш тезлигини сезиларли даражада ошириш имконини берди. Тезлик бир фойдаланувчига сониясига бир нечта мегабитдан 30 мегабитгача ошди. Анъанавий макро базавий станцияларга нисбатан Pre 5G Massive MIMO мобил тармоқнинг ўтказиш тезлигини 4–6 баробарга оширади.
Pre 5G Massive MIMO усули маълумот узатиш кўламини 2D дан 3D’гача кенгайтириш учун нур шакллантириш (beamforming) технологиясига асосланган ва интенсив ҳамда экстенсив чоксиз оқимни таъминлайди. Ушбу технология жуда самарали бўлиб, кўп қаватли бинолар, катта стадионлар шароитига махсус воситалар орқали мослаштирилиб, «сўнгги миля» сценарийсини амалга оширишда нафақат ўтказувчанлик, балки тармоқ фаолияти сифатини оширишга хизмат қилади.
Smartfren Индонезияда 4G технологиясини жорий этиш борасида етакчи ҳисобланади. Ушбу операторнинг 4G тармоғи мамлакатнинг 200 дан ортиқ шаҳарларида ўрнатилган. Massive MIMO технологиясининг тижорий намойишидан сўнг биз ҳамкоримиз ZTE билан бешинчи авлод тармоқларини шакллантиришга тайёргарликни бошлаб юбордик ва мижозларимизга янги технологияларни тақдим этамиз. Биз Massive MIMO базавий станцияларини кўп қаватли бинолар ичида ва савдо объектларида, шунингдек, фойдаланувчилар сони кўп бўлган ҳудудларда тақдим этилаётган хизматлар сифатини янада яхшилаш учун қўллаймиз.Pre 5G Massive MIMO базавий станцияси учун ZTE компанияси кўп антеннали (SDMA) технологиядан фойдаланади, бу эса бир вақтнинг ўзида макон доирасида бўлинган кўплаб фойдаланиш йўлакларини шакллантириш имконини беради ва 4G симсиз алоқанинг мавжуд частота спектрини 4–6 баробарга оширади.Кристиан Деньо, Smartfren компанияси Бош технологик директори
ZTE бу ечимни объэктларни ўрнатиш учун жой қидириш мураккаблашиб кетгани ва тармоқ қувватини оширишга бўлган талабнинг кескин ортиши муносабати билан ишлаб чиқди.
Massive MIMO станциясининг конфигурацияси 128 та антеннадан иборат. Бунда фронтал проексия ўлчамларига кўра станция мавжуд 8 антеннали станцияларга яқин. Базавий станцияни ўрнатиш учун зарур бўлган майдонга келсак, антенналар, радиочастотали блоклар ва бошқа ускуналарни интеграциялаш ҳисобига унинг ягона модули ўлчамини уч барорбарга камайтиришга муваффақ бўлинди.
2015 йилдан бошлаб ZTE Pre 5G massive MIMO технологияларидан фойдаланиб, бир нечта тижорат лойиҳаларини турли бозорларда амалга оширди. Ҳозирги пайтда дунёда 20 дан ортиқ Pre 5G тармоқлари йўлга қўйилган ва ZTE бу технологияни барча ҳудудларда жорий этишга кўмак беришни давом эттиради.
Жорий йил бошида Барселонада бўлиб ўтган Жаҳон мобил конгрессида (MWC) ZTE’нинг «Pre 5G Massive MIMO инқилобий инновацион технологияси асосидаги» базавий станцияси «Мобил технологиялар соҳасидаги энг илғор техлогия» ва «Энг яхши мобил технология – 2016 йилнинг SТО танлови» деб номланган икки мукофотга сазовор бўлди.
2016 йилнинг октябрь ойида Лондондаги Broadband World Forum конференциясида ушбу технология «Симсиз кенг йўлакли фойдаланиш учун энг яхши инновация» номинациясида тақдирланди.
ZTE — телекоммуникацион асбоб-ускуналар ва мобил телефонларининг жаҳонда етакчи ишлаб чиқарувчисидир. ZTE компанияси симли ва симсиз алоқа, мобил ва фиксацияланган терминаллар бозорининг деярли ҳар бир соҳасини турли-туман сифатли маҳсулотлар билан таъминлайди. Бугунги кунда дунёнинг бир қатор мамлакатларида ZTE’нинг кўплаб ваколатхона ва тадқиқот марказлари фаолият юритмоқда, уларда ўн минглаб инсонлар меҳнат қиляпти.
Ўзининг M-ICT стратегияси доирасида компания телекоммуникация ва ахборот технология соҳаларининг яқинлашуви даврида мижозларга ишнинг юқори самарасини таъминловчи интеграцияланган инновацияларни таклиф этиш устида тинимсиз ишламоқда.
Компания 160 та мамлакат ва минтақага асбоб-ускуналар ва хизматларни етказиб беради ва Осиё-Тинч океани, Жанубий Осиё, Шимолий Америка, Европа, Лотин Америкаси, Африка ва МДҲдаги 500 дан ортиқ алоқа операторларига хизмат кўрсатади.
ZTE компанияси иқтисодиётнинг турли тармоқлари учун 50 дан ортиқ ечимларни таклиф қиляпти. Хитой компанияси, шунингдек, истеъмолчилар учун мўлжалланган маҳсулотлар – телефонлардан тортиб смартфон ва планшетларгача ишлаб чиқаради. Бу маҳсулотларни Ўзбекистон бозорида бемалол сотиб олиш мумкин. ZTE смартфонларининг асосий дастурий платформаси – OS Android ҳисобланади.
ZTE шўъба корхонаси Ўзбекистон Республикасида 10 йилдан ортиқ вақт мобайнида ўз фаолиятини юритиб келмоқда. Бу давр мобайнида бизнинг компания Ўзбекистонда телекоммуникация соҳаси ривожига улкан ҳисса қўшиб, илғор коммуникация технологияларидан фойдаланиш имкониятини, маҳаллий аҳоли учун иш жойларини тақдим этиб, инсонларнинг коммуникация технологиялари ҳақидаги билимларини ошириб келмоқда.
Ўзбекистоннинг телекоммуникацион операторлари – Beeline, Ucell, «Ўзбектелеком» АК ва бошқалар Хитой компанияси асбоб-ускуналаридан фойдаланмоқда. 2013 йилнинг июль ойида ZTE Ўзбекистоннинг Сирдарё вилоятида мобил телефонлар ва уларнинг аксессуарларини ишлаб чиқариш бўйича қувватларни ишга туширди. Мобил телефонлар UZTE бренди остида ишлаб чиқарилмоқда.
Реклама ҳуқуқи асосида
Изоҳ (0)