Зарина Низомиддинова собиқ турмуш ўртоғи билан ажрашганидан буён у билан гаплашмаслигини маълум қилди

Актриса Зарина Низомиддинова журналист Жасур Ҳамроев билан Facebook ижтимоий тармоғи орқали ўтказилган суҳбатда мухлисларни қизиқтирган кўплаб саволларга жавоб берди, деб ёзади «Darakchi.uz».

Хусусан, актриса эрта турмуш қурганидан афсусланмаслигини ҳамда ўғлининг отаси билан ажрашганидан буён гаплашмаслигини айтди.

Ёшлик пайти одам ўйламасдан қарор қабул қилар экан. Нимагадир, мен ёш турмуш қуришга қарор қилдим. Лекин бундан афсусланмайман. Яхши томони, жудаям ёш она бўлдим. 19 ёшда фарзанд кўрдим. Ҳозир 8 ёшли ўғлим бор, 3-синфида ўқийди. Хатоларимдан афсусланмайман.

Зарина Низомиддинова, актриса

Биринчи турмуш ўртоғим мени «Ромео ва Жульетта» фильмидаги образимни кўриб ёқтириб қолган. Ўғлим отаси ҳақида умуман сўрамайди. Чунки, уни деярли кўрмаган. Отаси ҳам ҳеч қачон қўнғироқ қилиб, ўғлининг ҳолидан хабар олмайди. Сабабини билмайман. Биз ўғлимнинг отаси билан ажрашганимиздан бери гаплашмаймиз. У оилани сақлаб қолишга ҳаракат қилган. Лекин бирга яшаб кетишимизга менинг кўзим етмаган. Бўлмайдиган нарсани бўлмагани яхши.

Зарина Низомиддинова, актриса

Зарина Низомиддинова ўзини хонандаликда ҳам синаб кўрмоқда. Актриса  Шаҳриёр рэпер билан биргаликда «Керакмас» номли қўшиқ куйлади.

«Дарё»нинг Telegram’даги расмий канали — @toshqindaryo’га аъзо бўлинг!