Америка разведка хизмати ходимлари баъзи маълумотларни АҚШ президенти Дональд Трампга тақдим этмаяпти. Бунга маълумотларни сир сақланишидан хавфсираш сабаб бўлмоқда. Бу ҳақда The Wall Street Journal газетаси маълум қилди, деб ёзади «ТАСС».
«Вазиятдан хабардор собиқ ва амалдаги расмий шахсларнинг маълумотларига қараганда, АҚШ разведка хизмати вакиллари президент Трампдан муҳим разведка маълумотларини сир тутмоқда. Улар маълумотлар жамоатчиликка маълум қилиниши ёки ўғирланиши мумкинлигидан ташвишланмоқда», — дейилади газетада 15 февраль, чоршанба куни чоп этилган мақолада.
Газета маълумотларига кўра, разведка агентликлари Трампга бир қатор ҳолатларда, жумладан, маълумот йиғиш, бошқа давлатларга нисбатан жосуслик қилиш учун фойдаланиладиган усуллар ҳақида маълум қилмаган.
Нашрнинг таъкидлашича, разведка хизматлари ва президент ўртасида юзага келган чуқур ишончсизликка Трамп жамоасининг Россия ҳукумати билан алоқалари, шунингдек, президентнинг разведка агентликларига нисбатан хушламайдиган муносабати сабаб бўлмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)