«Манчестер Юнайтед» футбол клуби ҳужумчиси Златан Ибраҳимович америкалик собиқ боксчи Флойд Мейвезер ва UFC чемпиони Конор Макгрегор ўртасида бўлиб ўтиши мумкин бўлган жангга ўз муносабатини билдирди. Швециялик 35 ёшли футболчининг сўзларини Sportskeeda нашри келтирди.
Мейвезер – Макгрегор драмасидан чарчадим. Улар сафсатани бас қилиб, яхшиси мен билан жанг қилсин. Нима бўлишини бир кўрайлик. Уларнинг ҳар иккисини тўғри шифохонага жўнатаман.Златан Ибраҳимович, «Манчестер Юнайтед» ҳужумчиси
Флойд Мейвезер ва Конор Макгрегор ўртасида жанг бўлиб ўтиши мумкинлиги ҳақидаги хабарлар UFC чемпиони боксчилик лицензиясини олганидан кейин пайдо бўлди. Ирландиялик жангчи Мейвезер билан жанг учун 100 миллион доллар ишлаб олиш истагини билдирганди.
Мавзуга доир: Конор Макгрегор ва Флойд Мейвезер ўртасидаги жанг суммаси миллиард долларга тенг бўлиши мумкин
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)