15 февралга ўтар кечаси Тошкент вақти билан 00:45 да футбол бўйича Европа Чемпионлар лигасининг нимчорак финал босқичи старт олади. Куннинг нисбатан қизиқарли ўйинида «Барселона» Парижда «ПСЖ» меҳмони бўлади.
Бу қизиқ!
- «Барселона ва «ПСЖ» Чемпионлар лигасининг плей-офф раундида сўнгги беш мавсумдан буён учинчи бор тўқнаш келмоқда.
- Тьяго Силва бугунги учрашувда «ПСЖ»га ёрдам бера олмайди. Шу боисдан Преснел Кимпембе еврокубокларда дебют қилиши мумкин.
- «ПСЖ» сўнгги 11 та беллашувнинг 10 тасида рақибларини мағлуб этишга муваффақ бўлди.
- «ПСЖ» довонидан ўтиб, «Барселона» Чемпионлар лигасининг чорак финалига кетма-кет 10 бор етиб келган жамоага айланиши мумкин.
Майдондан четда
Бугун бир қатор етакчи футболчилар ўз жамоасига ёрдам бера олмайди.
«ПСЖ» сафида Тьяго Мотта дисквалификация муддатини ўташи керак. Тьяго Силва эса пайларини жароҳатлаб олган. Хавьер Пасторенинг ўйинда иштирок этиши сўроқ остида.
«Барселона» сафида Арда Туран, Хавьер Маскерано, Алейш Видаль каби футболчилар жароҳат сабаб бугунги учрашувни қўйиб юборади.
Тахминий таркиблар
УЕФА жамоаларнинг тахминий таркибларини эълон қилди. Ҳақиқий таркиб учрашувга 1 соат вақт қолганида аниқ бўлади.«ПСЖ»: Трапп, Орье, Маркиньос, Кимпембе, Максвелл, Вератти, Рабьо, Матюйди, Лукас, Кавани, Дракслер.
«Барселона»: тер Штеген, Серхи Роберто, Пике, Юмтити, Альба, Ракитич, Бускетс, Иньеста, Месси, Суарес, Неймар.
Мураббийлар
Бир йил муқаддам Луис Энрике ва Унаи Эмери «Барселона» — «Севилья» тўқнашувларида дуч келарди. Энди Эмери қўл остида «Барса»га жиддий рақобат туғдириши мумкин бўлган клуб бор.Тўқнашув ажойиб ўтишига шубҳам йўқ. Керакли вазиятларда ким ўзини яхшироқ намоён этса, тактик жиҳатдан кучли бўлса ва яккакурашларда устунлик қилса, омад унга кулиб боқади.Биз нафақат Европанинг, балки жаҳоннинг энг кучли жамоаларидан бирига рақиб бўлмоқдамиз. Бундай имкониятни эса йўққа чиқармаслик керак. Биз ўзимизни кимдандир кучсизроқ деб ҳисобламаймиз. Сафимизда клуб тарихига янги саҳифа ёзиб қўйишни мақсад қилган керакли футболчилар бор.
Унаи Эмери, «ПСЖ» бош мураббийи
Сўнгги ҳафталарда «ПСЖ» юқори савияга чиқиб олди. Биз янада яхшироқ ўйнаб, бу жамоани ютишимиз керак.Мен Унаини биламан, у ҳаётимизни қийинлаштириш учун ҳамма ишни қилади. Биз тўпни назорат қилишга ва голли вазиятларни яратишга максимум ҳаракат қиламиз.
Бу стадионда бизга ҳеч қачон осон бўлмаган. Унда «ПСЖ» осон таслим бўлмайди ва доим охиригача курашади. Рақиб бизни жуда яхши билади. Ишонаманки, жуда қизиқ ўйин бўлади.
Луис Энрике, «Барселона» бош мураббийи
Изоҳ (0)