Самарқанд вилоятининг Пахтачи туманида 12 февраль куни соат тахминан 19-40 ларда йўлнинг ўнг томонидан ҳаракатланиб кетаётган пиёдалар — 1977 йилда туғилган аёл ва унинг 1998 йилда туғилган, коллеж ўқийдиган ўғлини машина уриб кетган.
Ўзбекистон Ички ишлар вазирлиги ахборотига кўра, йўл-транспорт ҳодисасини содир этган шахс ҳодиса жойидан яширинган. ЙТҲ оқибатида аёл ҳодиса жойида, унинг ўғли эса касалхонада ҳаётдан кўз юмган.
Қидирув ва суриштирув ишлари натижасида ЙТҲни Пахтачи туманида яшовчи, 1962 йилда туғилган фуқаро ўз бошқарувидаги ВАЗ-2121 ‘Нива’ русумли автомобилида содир этганлиги аниқланди ва 13 февраль куни қўлга олинди.Хабар беришларича, ҳозирда мазкур ҳолат юзасидан Самарқанд вилояти Ички ишлар бошқармаси томонидан жиноят иши қўзғатилиб, тергов ҳаракатлари олиб борилмоқда.Ўзбекистон ИИВ ахборотидан
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)