Ўзбекистон Республикаси Президентининг 2016 йил, 27 декабрдаги «Ўзбекистон Республикаси Давлат бюджетининг асосий макроиқтисодий кўрсаткичлари ва параметрлари тўғрисида»ги қарорига ўзгаришлар киритилди. Бу ҳақда Norma хабар бермоқда.
Шавкат Мирзиёев томонидан 8 февралда имзоланган қарор билан мазкур ҳужжатга киритилган тузатишларга кўра, Беларусда ишлаб чиқарилган ва Ўзбекистонга олиб келинадиган янги транспорт воситаларига аксиз солиғининг тасдиқланган ставкалари тааллуқли бўлмайди.
Хусусан, бу тузатиш Беларусда ишлаб чиқарилган ўтиргичли янги шатакчилар, янги моторли юк ташиш транспорт воситалари ва бошқа моторли юк машиналарига тегишли.
Эслатиб ўтамиз, «Ўзбекистон Республикаси Давлат бюджетининг асосий макроиқтисодий кўрсаткичлари ва параметрлари тўғрисида»ги қарорга асосан мазкур имтиёз Россия, Украина ва Қозоғистонда ишлаб чиқарилган ҳамда Ўзбекистонга олиб келинадиган янги транспорт воситаларини ҳам қамраб олади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)