Ётоқхона қандай бўлиши керак? Бир томондан қулай ва осойишта, бошқа томондан шинам ва замонавий. Қуйида ётоқхона интерьерини безатиш бўйича бир нечта актуал вариантларни эътиборингизга ҳавола этамиз.
Скандинавияга хос оддийлик
Скандинавияга хос услубни соддалик, материаллар табиийлиги ва иссиқ ранглар туфайли маъқул кўришади. Бу вариантда ётоқхонанинг каравот бош томонидаги девори ёғоч панел билан безатилади. Контраст ҳосил қилиш учун хонага ёғоч ёки тўқилган мебель жойлаштиринг. Унинг ранги девор рангидан очроқ бўлиши лозим. Мебель учун табиий материаллардан мато танланг. Бундай ётоқхона хотиржам дам олиш учун жуда мос келади.
Қулай классика
Яшил рангдаги майин ётоқхона ва катта шинам каравот замонавий романтиклар учун мос келади. Ёнида вақт ўтказиш ёқимли бўлган сунъий камин хонага илиқлик бағишлайди.
Табиий дарахт
Дарахт ётоқхонага илиқлик ва шинамлик беради. Шифтни тўсинлар билан оригинал безатиш хонага ўзига хослик ва янгилик киритади. Уни ёғоч панеллар, айлана стол ва стуллар ҳамда жавонлар билан безатиш эса хонада яхлитлик ҳосил қилади. Мебель учун майда расмли пастел рангдаги матоларни танлашни тавсия этамиз.
Қаҳва хушбўйлиги
Аччиққина қаҳвани хуш кўрувчилар қаҳва-қаймоқ рангларида ишланган ётоқхонани муносиб баҳолайди. Бу услубнинг номланиши ўзиёқ ётоқхонага илиқлик бағишлайди. Қаҳва рангли ромга эга катта деразалар, ётоқхонани деярли тўлиқ эгаллаган каравот, очиқ рангдаги пардалар, тўқилган элементли безаклар — буларнинг барчаси янги кунни кутиб олишга чорлайди.
Замонавий минимализм
Бирорта ҳам ортиқча буюм бўлмаган ётоқхона замонавий одамларнинг ҳақиқий орзусидир. Функционал шкаф-девор сиз кўзга ташланишини истамаган барча майда буюмларни яширишга қодир. Катта юмшоқ каравот ва оригинал услубдаги тўсинлар интерьерни янада тўлдиради.
Изоҳ (0)