Агар тирноқларингиз мустаҳкам бўлмаса, хафа бўлиб ўтирманг, уй шароитида тирноқ ўстиришнинг кўп усуллари бор.
Тирноқларни асраш
Уйни тозалаш пайтида албатта резина қўлқоп кийинг. Улар қўлингиз терисини ва тирноқларингизни кимёвий тозаловчи воситаларнинг зарарли таъсиридан, намликдан ҳимоя қилади.
Тирноқни ўстирувчи витаминлар
Тирноқларингизда оқ доғларнинг пайдо бўлиши – А витамини етишмаслигининг белгиси. Бу витаминни сабзи, балиқ, жигар ва тухум сариғидан олиш мумкин. Тирноқларнинг мўртлиги ва қатламланиши – B, D, E ва C витаминлари етишмовчилигининг белгиси ҳисобланади. Бу витаминлар балиқ, сут маҳсулотлари, ёнғоқ, ўсимлик ёғи ва дўккакли ўсимликлар таркибида мавжуд.
Тирноқлар учун ванналар уларнинг тез ва мустаҳкам ўсишини таъминлайди.
Совунли ванна
Идишдаги илиқ сувга бироз суюқ совун ва 1 ош қошиқ туз солиб аралаштиринг. Қўлингизни идишдаги сув совигунча солиб ўтиринг.
Лимонли ванна
Идишга ўсимлик ёғини қуйинг ва уй ҳароратидан бироз юқори даражада иситинг. 1 дона лимон шарбатини олиб ёғ билан аралаштиринг. 20 дақиқа давомида қўлингизни аралашма ичида тутиб туринг.
Изоҳ (0)