Россия Қишлоқ хўжалиги вазири Александр Ткачёв ва Ўзбекистон Ташқи иқтисодий алоқалар, инвестициялар ва савдо вазири Элёр Ғаниев Москвада фитосанитар талабларга риоя этиш ҳақидаги протоколни имзолади. Ҳужжат икки давлат фитосанитар хизматлари ўртасида ўсимликлар карантини борасидаги ҳамкорликни мустаҳкамлашга қаратилган, деб хабар беради UzDaily.
Шунингдек, учрашув давомида Россия ва Ўзбекистон ўртасида қишлоқ хўжалик ҳамда озиқ-овқат маҳсулотлари савдосини ривожлантириш масалалари муҳокама қилинди.
Россия қишлоқ хўжалиги вазирлиги матбуот хизматига хабарига кўра, икки мамлакат орасидаги қишлоқ хўжалик маҳсулотлари айланмаси 2016 йилда салкам 20 фоизга кўпайиб, 398 миллион долларни ташкил этди (2015 йилда 334 миллион доллар). Россиянинг Ўзбекистонга экспорти 284,8 миллион, Ўзбекистоннинг Россияга экспорти эса 113,7 миллион доллардан иборат бўлди.
Александр Ткачёв Россия томони Ўзбекистонга буғдой, балиқ ва балиқ маҳсулотлари, уруғлик картошка, соя уруғи ҳамда қандолат маҳсулотлари етказиб беришдан манфаатдорлиги, маҳаллий ишлаб чиқарувчилар шакар ва ёғ-мой маҳсулотлари экспортини бир неча карра оширишга тайёрлигини билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)