Ҳозирги пайтда ўзингиз ва яқинларингиз соғлиғини асрашнинг энг самарали йўли – тўғри овқатланишга риоя қилиш ҳисобланади. Бу маслаҳатлар сизнинг кундалик истеъмол қиладиган таомларингизни фойдалироқ ва кам калорияли қилишда ёрдам беришига ишонамиз.
Гуручни кокос ёғи қўшиб қайнатинг
Гуручни қайнатишда сувга кокос ёғи (ярим пиёла гуручга 1 чой қошиқ ёғ) қўшинг. Тайёр бўлгач совитгичга қўйинг. 12 соатдан кейин микротўлқинли печда иситиб ейишингиз мумкин.
Хамирга лимон қобиғини қўшинг
Хамирга солинган 1 ош қошиқ майдаланган лимон қобиғи пишириққа ўзига хос таъм ва ҳид бағишлайди.
Сабзавотларни микротўлқинли печда пиширинг
Пишириш жараёнида сабзавотлар таркибидаги кўплаб фойдали моддалар йўқолади ёки сувда қолиб кетади. Шунинг учун сабзавотларни микротўлқинли печ ёрдамида камроқ сувда пиширган маъқул.
Ўсимлик ёғига олма қайласини аралаштиринг
Овқат пишираётганда ишлатиш керак бўлган ўсимлик ёғининг ярмини солинг ва қолган ярмига тенг миқдорда олма қайласи қўшинг. Бу усул таомни клетчатка ва C витамини билан бойитади ва таъмини яхшилайди.
Картошкани гулкарамга алмаштиринг
Картошкали пюредаги калория ва углеводларни камайтириш учун гулкарамдан пюре тайёрланг.
Изоҳ (0)