АҚШ собиқ президенти Барак Обама рафиқаси Мишель билан биргаликда британиялик миллиардер, Virgin Group холдинги эгаси Ричард Брэнсон билан Британиянинг Виргиния оролларида ҳордиқ чиқармоқда. Бу ҳақда TMZ’га таяниб, «ТАСС» хабар берди.
Ўз хабарига далил сифатида нашр Обама ва Брэнсоннинг таътил вақтидаги суратларини илова қилди. Собиқ давлат раҳбари ва биринчи хоними АҚШда қатор аэрокосмик лойиҳаларни амалга ошираётган британиялик тадбиркорга тегишли Некер оролида меҳмон бўлиб турибди.
Суратларда қора бейсболка, футболка ва спорт шимини кийиб олган Обама АҚШдаги нотинчликлардан узоқда бемалол дам олаётганини кўриш мумкин. «У президент Дональд Трамп томонидан имзоланган фармонлар туфайли бир неча кундан буён қизғин намойишлар гирдобида қолган АҚШга қайтишга ҳеч ҳам шошилмаётганга ўхшайди», — дейилади хабарда.
Изоҳ (0)