Ўзбекистон Президенти Шавкат Мирзиёев Хоразм вилоятига ташрифи доирасида 28 январь, шанба куни ҳудудда бунёд этилаётган янги фармацевтика корхонаси лойиҳасининг амалга оширилиши билан танишди. Бу ҳақда Uzbekistan Today хабар бермоқда.
Хабар беришларича, янги корхона ишга тушганидан сўнг, ҳар йили ички бозорни 3,5—4 миллион долларлик экспорт ўрнини босувчи маҳсулот билан таъминлайди, яна 3,8 миллион долларлик маҳсулотни экспорт қилади.
«Имконият Саховат» масъулияти чекланган жамияти ва «Мем Гилан» хорижий корхонаси ташаббуси билан амалга оширилаётган лойиҳа учун ташаббускорларнинг 4 миллиард сўм миқдоридаги ўз маблағи ҳамда ускуналар сотиб олиш учун Миллий банк тақдим этган 25 миллиард сўмлик кредит йўналтирилади.
Режага кўра, юқори технологик замонавий ускуналар билан таъминланадиган корхона 2018 йилнинг иккинчи чорагида фойдаланишга топширилади. У Ўзбекистондаги энг йирик фармацевтика корхоналаридан бири бўлиши кутилмоқда.
Умумий ҳисобида, бу ерда ҳар йили 33 номдаги 4 миллион қадоқдан ортиқ ампула препаратлари ишлаб чиқарилади. Инфузион эритмалар линиясида эса йилига 38 номдаги 12 миллион қадоқдан ортиқ дори воситалари тайёрланади.
Таблетика ва капсула препаратлари линиясида эса ҳар йили 5 миллион қадоқдан ортиқ дори воситалари ишлаб чиқарилади — уларнинг 10 таси ижтимоий аҳамиятли дорилар рўйхатидан, 45 таси эса импорт ўрнини босувчи препаратлар қаторидан ўрин олган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)