Пентагон раҳбари Жеймс Мэттис НАТО бош котиби Йенс Столтенберг билан телефон орқали суҳбатлашиб, Шимолий Атлантика альянсининг АҚШ учун муҳимлигини маълум қилди. Бу ҳақда Америка мудофаа вазирлигининг расмий вакили Жефф Дэвис хабар берди.
«Улар умумий қадриятларнинг аҳамиятини муҳокама қилди, вазир ушбу қадриятларни ҳимоя қилиш учун иттифоқдошларни қидиришда АҚШ доим Европага мурожаат қилишини айтди», — деди Дэвис. У Мэттис ва Столтенберг маслаҳатлашувларни давом эттиришга, шунингдек, НАТОга аъзо мамлакатлар мудофаа вазирларининг февралга белгиланган учрашувида музокаралар ўтказишга келишиб олганини қўшиб қўйди.
20 январь куни АҚШнинг янги мудофаа вазири Пентагон ходимларига юборган илк мактубида Вашингтоннинг иттифоқдошлари билан алоқаларни мустаҳкамлашини ёқлаб чиққан эди. Унинг сўзларига кўра, ҳеч қайси мамлакат дўстларисиз ўз хавфсизлигини таъминлай олмайди. «Биз Давлат департаменти билан ўз альянсларимизни мустаҳкамлаш устида ишлаймиз», — деди Денгиз пиёда қўшинлари корпусининг истеъфодаги генерали.
Изоҳ (0)