Индонезияда қидирувда бўлган террорчилар рўйхатида биринчи ўринлардан бирини эгаллаб келаётган ва ИШИД гуруҳининг дала қўмондони бўлган Баҳрум Наим республикада терактлар тайёрлашни молиялаштириш учун PayPal тўлов тизими, шунингдек, биткоинлар (виртуал валюта)дан фойдаланган. Бу ҳақда пул ювишга қарши кураш бўйича миллий агентлик маърузасида айтилади, деб ёзади «ТАСС».
Хусусан, муассаса ўтган йили чет элдан террорчилик фаолияти учун мўлжалланган 25 та пул ўтказмаларини қайд этган. 2015 йилда эса бундай пул ўтказмалари билан боғлиқ 12 та ҳолат қайд этилган, холос. Транзакцияларнинг бир қисми Ява оролида ҳаракат қиладиган экстремистик ячейка фойдасига амалга оширилган. Унинг фаолиятига яқинда махсус аксилтеррорчилик бўлинмаси томонидан чек қўйилган.
«Ҳозир биз пул ўтказишнинг PayPal ва биткоинлар каби усуллари ҳақида гапирмоқдамиз, бироқ 2—3 йилдан сўнг янги шакллар ҳам пайдо бўлиши мумкин», — дея огоҳлантирди пул ювишга қарши кураш бўйича миллий агентлик раҳбари.
Изоҳ (0)