АҚШ Давлат котиблигига номзод Рекс Тиллерсон Сенат олдидаги чиқиши чоғида Россиянинг Қримга бўлган ҳуқуқини тан олмаслигини билдирди. Бу ҳақда TJournal хабар бермоқда.
Россия хавф туғдиради, ўзининг манфаатларини илгари суришда нималарга қўл уришини олдиндан айтиб бўлмайди. У Украинага бостириб кирди, Қримни босиб олди, уруш қонунларини қўпол равишда бузаётган Сурия қўшинларини қўллаб-қувватлади. НАТОдаги иттифоқдошларимиз Россиянинг уйғонишидан хавфсирашга асослари бор.ExxonMobil нефть компанияси раҳбари Россия дунё саҳнида эътироф этилишига интилаётгани, бироқ бунда Америка манфаатларини ҳисобга олмаётганини маълум қилди. Шу билан бирга, номзод ўз йўналишини қандай белгилаб олишни билиши учун АҚШга Россия билан очиқ ва ошкора мулоқот зарурлигини айтиб ўтди.Рекс Тиллерсон, АҚШ Давлат котиблигига номзод
Тиллерсон ҳамкорлик бўлган тақдирда умумий манфаатларга эришиш мумкин бўлган масалалар, жумладан, терроризмга қарши курашда АҚШ Россия билан алоқаларни давом эттириши, бироқ давлатлар ўртасида қарама-қаршилик кузатилган ҳолатларда ўзи ва иттифоқдошлари манфаатларини ҳимоя қилишини билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)