Наманган вилоятининг Тўрақўрғон туманида Фарғона водийсидаги илк босмахона — «Матбааия Исҳоқия»га асос солган Исҳоқхон тўра Ибратга бағишланган мажмуа барпо этилади. Бу ҳақда вилоят ҳокимлиги ахборот хизмати хабар бермоқда.
Ўзбекистон Президенти Шавкат Мирзиёев Наманган вилоятида бўлиб ўтган сайловолди учрашувида Тўрақўрғонда таваллуд топган атоқли маърифатпарварга атаб мажмуа яратиш ташаббусини илгари сурганди. Шундан сўнг вилоят ҳокимининг тегишли қарори қабул қилинди ва 2,2 гектар майдонни эгаллайдиган «Ибрат» мажмуасини лойиҳалаштириш ишлари якунига етказилди.
Мажмуа таркибидан Ибратга бағишланган музей, хорижий тиллар мактаби (маърифатпарвар 7 тилни мукаммал билган) ва замонавий боғ ўрин олиши кўзда тутилган. Қурилиш ишлари март ойида бошланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)