Хитой спортига жавобгар маъмурият мамлакат футбол клубларининг трансфер сиёсати ва футболчиларнинг ойлик-маошлари учун сарф этилаётган пулларга чеклов қўйилиши ҳақида маълум қилди, деб ёзди «Sports.ru».
Қайд этилишича, бунга қадар ҳам бир қатор муаммолар кўтарилган, бироқ футбол клублари ўзидан келиб чиқиб, футболчиларнинг ойлиги ва уларни сотиб олиш харажатлари учун керагидан кўп пул сарф этишдан тўхтамаган. Шу боисдан ҳам Хитой спортига жавобгар ташкилот белгилаб қўйилган нормадан четга чиққан футболчи ва агентларни жиддий жазолашга қарор қилган.
Маълумот учун, Хитой клублари Лионель Месси ва Криштиану Роналдуга солиқларсиз йилига 100 миллион евро таклиф қилган бўлса, мамлакат ҳукуматининг ўзи Златан Ибраҳимович учун ҳар йили 120 миллиондан тўламоқчи бўлганди.
Изоҳ (0)