Футбол бўйича Испания кубогининг 1/8 финалдан жой олган дастлабки ўйинларнинг барчаси тугади.
Таътилдан кейинги биринчи ўйинида кубокнинг амалдаги эгаси «Барселона» Бильбаода «Атлетик»ка имкониятни бой берди. Биринчи бўлимнинг ўзидаёқ мезбонлар икки бор муваффақият қозонган бўлса, иккинчи бўлимга келиб Лионель Месси ҳисобни 1 тага қисқартирди.
Бош ҳакам 74 ва 80-дақиқаларда «Атлетик»нинг икки футболчисига қизил карточка кўрсатиб, уларни майдондан четлатди. Шунга қарамай, ўйин якунига қадар Луис Энрике жамоаси мувозанатни тиклай олмади. Жавоб ўйини келаси ҳафта «Камп Ноу»да бўлиб ўтади.
Маълумот учун, Испания кубогини ютиш учун асосий даъвогарлардан «Атлетико» 1/8 финални сафардаги ғалаба билан бошлаган бўлса, «Реал Мадрид» ўз майдонида «Севилья» устидан йирик ҳисобда ғалаба қозонганди.
Испания кубоги 1/8 финал 5 январь, чоршанба
Изоҳ (0)