Ўзбекистон Республикасида хизмат кўрсатган артист, ажойиб сўз устаси Обид Асомов ўз мухлисларининг талаб ва истакларига биноан интернет оламида яна фаоллаша бошлади. Обид Асомовнинг расмий сайти яна ўз фаолиятини бошлади, деб ёзади «Shou-biznes.uz» нашри.
Обид Асомовнинг расмий сайти эндиликда «www.obidasomov.uz» манзилида ўз фаолиятини бошлади. Сайт ишга тушганидан буён архивга айланган ажойиб концертлар-у, фильмлар кетма-кет тақдим этилмоқда. «www.obid.uz» манзилидаги унинг эски сайти анчадан бери ишламаётганди.
Обид Асомовнинг расмий сайтида янги йил арафасида 2004 йил «Туркистон» саройида тақдим этилган «Қизиқчилар арчаси» концерт дастури ҳавола қилинди, сўнгра 2016 йилнинг 31 декабрь оқшомида «Тоҳир ва Зуҳра» мусиқали фильмини тўлиқлигича кўчириб олиш ва томоша қилиш имконияти пайдо бўлди.
Обид Асомовнинг таъкидлашича, яқин орада сайтида «Кулол ва хурмача» эртак фильми ҳам тақдим этилади.
Бундан ташқари, Telegram тармоғида унинг расмий канали (@obidasomov) ҳам фаолият юритмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)