АҚШнинг сайланган президенти Дональд Трамп инаугурациядан кейин Twitter’дан фаоллик билан фойдаланишда давом этади. У, хусусан, аввалгидек, ушбу платформа орқали сиёсий баёнотлар бераверади. Бу ҳақда ўтиш жамоаси вакили, Оқ уй матбуот котиби лавозимига даъвогар Шон Спайсер маълум қилди, деб ёзади «ТАСС».
Тегишли саволга жавоб берар экан, Спайсер Трамп Twitter’дан «албатта фойдаланиши»ни таъкидлади. «Менинг фикримча, етакчи ОАВларни Трампнинг ижтимоий тармоқлардаги обуначилари 45 миллиондан ортиқ эканлиги, улар билан Трамп бевосита мулоқотга кириша олиши қўрқитади, — деди сайланган президентнинг ёрдамчиси. — У ўз фикрларини одамларга ОАВлар орқали етказиши шарт эмас».
«У Twitter’дан фойдаланган вақтида натижага эришади», — дея қўшимча қилди Спайсер. Унинг сўзларига кўра, сайланган президент жамоатчилик билан мулоқот учун «мумкин бўлган ҳар қандай платформа»ни қўллаш ниятида.
Шу билан бирга, Трамнинг вакили навбатдаги маъмурият Оқ уй матбуот учун ўтказадиган доимий брифинглар анъанасини давом эттиришини маълум қилди.
Изоҳ (0)