Мадриднинг «Реал» жамоаси ҳужумчиси Криштиану Роналду ўғли футболчи бўлишини хоҳлаётганини айтди. Шунингдек, португалиялик футболчи кичик Криштиану Роналдуга баъзида унинг отасидан яхшироқ футболчи борлигини таъкидлашлари ҳақида сўзлаб берди, деб хабар бермоқда «Чемпионат».
Баъзида ўғлимга унинг отасидан яхшироқ футболчи бор эканини айтишади, аммо у бунга қандай муносабат билдиришни билади. Ўғлим мен сингари ақлли. Унга оддий ва мулойим бўлиш кераклигини доим уқтираман. Биламан, у ҳаётида кўплаб қийинчиликларга дуч келади, чунки кўплаб ҳасад қилувчилар бор.31 ёшли форвард ўғли футболчи бўлса, дарвозабон эмас, ҳужумчи бўлишини истаётганини маълум қилди.Криштиану Роналду, тўрт карра «Олтин тўп» соҳиби
Албатта, ўғлим футболчи бўлишини истайман. Бу осон эмас, лекин у ўзи истаган иш билан ҳам шуғулланиши мумкин. Балки унга футбол томон бироз туртки бераётгандирман. Кичик Криштиану Роналду футболчи бўлса, дарвозабон эмас, ҳужумчи бўлишини истайман.Маълумот учун, Криштиану Роналду йилнинг энг яхши футболчисига бериладиган «Олтин тўп» мукофотининг 4 карра соҳиби, мавсумнинг энг яхши тўпурарига бериладиган «Олтин бутса»нинг 4 марта ғолиби, Globe Soccer Awards талқини бўйича 4 карра йилнинг энг яхши футболчиси саналади.Криштиану Роналду, «Реал» ҳужумчиси
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)