Япония раҳбарияти мамлакатга Жанубий Курил ороллари берилган тақдирда, у ерга АҚШ ҳарбий базалари жойлаштирилиши мумкинлигини фараз қилмоқда, деб ёзади Meduza. Ушбу масала Япония Миллий хавфсизлик кенгаши бош котиби Сётаро Ятининг Россия Хавфсизлик кенгаши котиби Николай Патрушев билан учрашувида муҳокама қилинди.
«ТАСС» манбаси маълум қилишича, Яти Патрушевни базалар жойлаштирилиши эҳтимоли ҳақида хабардор қилган, чунки Япониянинг исталган суверен ҳудуди АҚШ билан хавфсизлик кафолатлари ҳақидаги шартнома таъсирига тушади. Патрушев ва Ятининг учрашуви 9 ноябрь куни Москвада бўлиб ўтган.
Шу билан бирга, аввалроқ The Asahi Shimbun газетасида Япония собиқ бош вазири Ёсиро Морининг интервьюси чоп этилган эди, у ўз даврида президент Владимир Путин билан музокаралар чоғида Россия етакчисини Курил оролларига Америка базаларини жойлаштириб бўлмаслигига ишонтирганини айтиб берган эди.
Изоҳ (0)