«Ўзбекнаво» эстрада бирлашмаси Ўзбекистонда хизмат кўрсатган артист Маҳмуджон Азимовга концерт-томоша фаолиятини амалга ошириш ҳуқуқини берувчи лицензия тақдим этди. Бу ҳақда UzNews хабар берди.
Маҳмуджон Азимовнинг ўғли Ортиқжон Азимовнинг маълум қилишича, отасининг лицензияси 2001 йилнинг 14 апрель куни «Истиқлол» санъат саройида бўлиб ўтган концерт дастуридан кейин олиб қўйилганди.
Орадан 15 йил ўтиб Ортиқжон Азимов Ўзбекистон бош вазири виртуал қабулхонасига отасининг лицензиясини қайтаришни сўраб ариза берган. Кўп ўтмай аризага ижобий жавоб қайтарилган ва «Ўзбекнаво» эстрада бирлашмасининг 1 йилга мўлжалланган концерт-томоша фаолиятини амалга ошириш ҳуқуқини берувчи лицензия тақдим этилган.
«Ўзбекнаво» сайтида лицензия 2016 йилнинг 26 октябридан бошлаб амалда экани кўрсатилган.
«Оиламиз номидан эътибор учун Ўзбекистоннинг сайланган Президенти Шавкат Мирзиёевга чуқур миннатдорчилик билдирамиз», — деб айтиб ўтган Маҳмуджон Азимовнинг ўғли.
Изоҳ (0)