Ислом Каримов ва Шавкат Мирзиёев фармонлари билан тақдирланганларга давлат мукофотларини Рустам Азимов топширди
Тошкент шаҳар ҳокимлигида Ўзбекистон мустақиллигининг 25 йиллиги арафасида мамлакат Биринчи Президенти Ислом Каримов фармонига мувофиқ Ўзбекистоннинг ижтимоий-иқтисодий, ишлаб чиқариш, саноати ривожи йўлида самарали меҳнат қилаётган бир гуруҳ инсонларни, Ўзбекистон Республикаси Президенти вазифасини бажарувчи Шавкат Мирзиёев имзолаган фармонга биноан 1 октябр – Ўқитувчи ва мураббийлар куни муносабати билан юксак орден ва медалларга муносиб топилган педагогларни тақдирлашга бағишланган тантанали тадбир бўлиб ўтди. Бу ҳақда ЎзА хабар бермоқда.
Тадбирда Ўзбекистоннинг иқтисодий салоҳиятини юксалтириш ва ислоҳотларни муваффақиятли амалга оширишдаги катта хизматлари, кўп йиллик самарали меҳнати билан саноат, транспорт, алоқа ҳамда қурилиш соҳаларини ривожлантиришга қўшган салмоқли ҳиссаси, ижтимоий ҳаётдаги фаол иштироки учун бир гуруҳ ўзбекистонликларга юксак мукофотлар тантанали тарзда топширилди.
Мукофотларни Ўзбекистон Республикаси Бош вазирининг биринчи ўринбосари Рустам Азимов топширди.
Аввалроқ Ислом Каримов фармони билан Мустақиллик байрами арафасида тақдирланган ижодкорларга давлат мукофотлари топширилгани ҳақида хабар берилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
