6 декабрь куни Ўзбекистон Олий Мажлиси Қонунчилик палатасининг навбатдаги мажлиси бўлиб ўтди, дея хабар бермоқда ЎзА.
Мажлисда, жумладан, «Ўзбекистон Республикаси прокуратура органлари ходимлари кунини белгилаш тўғрисида»ги қонун лойиҳаси муҳокама қилинган.
Олий Мажлис Қонунчилик палатаси ахборот хизматининг қайд этишича, прокуратура органлари ходимларининг касб байрамини белгилаш прокуратура органлари фаолиятининг самарадорлигини янада оширишга, улар томонидан хизмат вазифаларининг виждонан бажарилишини рағбатлантиришга хизмат қилади.
«Депутатлар мазкур қонунни қабул қилиш ва Олий Мажлис Сенатига кўриб чиқиш учун юбориш тўғрисида қарорлар қабул қилди», — дейилади расмий ахборотда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)