Жанубий Корея 2017 йилда мудофаа учун рекорд даражадаги маблағ — 34 миллиард доллар сарфлайди

Корея Республикаси 2017 йилги мудофаа бюджетини 4 фоизга 40,34 триллион вонгача (34 миллиард доллар) оширди. Бу ҳақда 5 декабрь, душанба куни мамлакат Миллий мудофаа вазирлиги маълум қилди, деб ёзади «ТАСС».

«Бу Шимолий Корея томонидан ҳарбий таҳдиднинг оширилишига жавоб қайтариш зарурати билан боғлиқ», — деб таъкидлайди бошқарма. Унинг маълум қилишича, 28,4 триллион вон (24,2 миллиард доллар) операция харажатлари, 12,1 триллиони эса (10,4 миллиард доллар) қуролли кучлар ҳарбий тайёргарлигини мустаҳкамлашга сарфланади.

Мамлакатнинг ҳарбий харажатлари тарихда биринчи марта 40 триллион вондан ошиб, 400,5 триллион вонга (340 миллиард доллар) тенг умумий бюджетнинг 10 фоизини ташкил этди.

Корея ярим оролидаги вазият 2016 йилда ўта кескинлашди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.