Куба инқилобининг тарихий етакчиси Фидель Кастронинг дафн маросими 4 декабрь куни Сантьяго-де-Куба шаҳрида бўлиб ўтади. Бу ҳақда «ТАСС» хабар бермоқда.
Маросим Фидель Кастронинг вафотидан сўнг республика раҳбари томонидан эълон қилинган тўққиз кунлик умуммиллий мотамнинг охирги кунида маҳаллий вақт бўйича 07:00 да бошланади.
Дафн маросимида Кубанинг амалдаги раҳбарияти вакиллари Давлат кенгаши ва Вазирлар кенгаши раиси Рауль Кастро бошчилигида иштирок этади.
Шунингдек, афсонавий инқилобчи ҳурматини бажо келтириш учун Боливия етакчиси Эво Моралес ва Бразилиянинг икки собиқ президенти Луис Инасиу Лула да Силва ва Дилма Руссеффнинг келиши кутилмоқда. Афсонавий футболчи Диего Марадона Фидель Кастронинг дафн маросимида иштирок этиш учун 2 декабрь, жума куни Кубага учиб келди.
Куни кеча Кастронинг хокини олиб кетаётган мотам кортежи Сантьяго-де-Куба шаҳрига етиб келди. У орол давлатнинг 15 провинциясидан 13 таси ҳудуди орқали минг километрдан ортиқ масофани босиб ўтди. Мазкур йўлда кортежни турли ёшдаги юз минглаб кубалик кузатиб қолди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)