Жанубий Корея президентининг маъмурияти мамлакат етакчисининг ихтиёрий истеъфосини талаб қилмоқда

Корея Республикаси президенти Пак Кин Хенинг маъмурияти парламентни мамлакат етакчисининг ихтиёрий истеъфосига тайёргарлик бўйича партиялараро музокараларни бошлашга чақирди. Бу ҳақда унинг расмий вакили Чжун Ён Гун маълум қилди, деб ёзади «ТАСС».

«Миллий мажлис тез орада муҳокамани (президентнинг истеъфо жараёни ва жадвали) бошлашига умид қиламиз», — деб таъкидлади у.

Аввалроқ Пак Кин Хе телевидение орқали халққа мурожаатида ўз лавозимини тарк этишга тайёр эканлиги, фақат бунинг учун зарур сиёсий шарт-шароитлар яратилиши зарурлигини маълум қилган эди.

«Парламентга келажагимни, жумладан, президентлик муддатимни қисқартиришни ҳал этишни таклиф қиламан», — дея таъкидлади у.

«Амалдаги партия ва мухолифат бошқарувни ҳукуматда тартибсизлик юзага келмайдиган тарзда топшириш чоралари ҳақида келишувга эришганда мен истеъфога чиқишга тайёр бўламан», — деди Пак Кин Хе.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.