Детокс (детоксикация — заҳарли бирикмаларни зарарсизлантириш) қанчалик фойда беришига шахсий тажрибада синаб кўриб, ишонч ҳосил қилиш мумкин. Агар сиз ўзингизни яхши ҳис қилмаётган бўлсангиз, тери ва сочларингиз аҳволи «бир ҳолатда» бўлса, бу – «қайтадан ўчириб-ёқиш тугмасини босиш» вақти келганини билдиради.
Детокс – организмни йиллар давомида тўпланиб қолган ва иммунитетни пасайтирувчи заҳарли моддалардан тозалаш чора-тадбирлари мажмуидир.
Агар терининг чуқур қаватларини ўз вақтида детокс қилиш чоралари кўрилмаса, юз рангининг синиқиши, терининг тез-тез яллиғланиши, аллергик тошмалар пайдо бўлиши ва албатта терининг эрта қариш муаммолари туғилиши турган гап. Акс ҳолда, энг қиммат кремлар ҳам ёрдам бера олмайди.
Заҳарли моддаларни чиқариш усулларидан бири, юз терисини эфир мойи қўшилган буғли ванна қилиш. Идишга иссиқ сув солинг ва лаванда ёки бошқа ўзингизга ёққан эфир ёғидан 2-3 томчи қўшиб, сочиққа ўраган ҳолда юзингизни 5-7 дақиқа тутиб туринг ва қуруқ салфетка билан артиб, совуқ сувда ювиб ташланг.
Организмда тўпланиб қолган заҳарли моддалардан тозаланишнинг энг яхши ва фойдали усули – сауна ва буғли ҳаммомларга мунтазам равишда бориб туриш ҳисобланади.
Минерал лойли ниқоб – чуқур тозалашни талаб қилувчи ҳамма турдаги юз терилари учун ҳам тўгри келадиган анъанавий усуллардан биридир. Илиқ сувда эритилган кукунга бир неча томчи розмарин эфир ёғидан қўшиб, юзингизга 15 дақиқа суриб қўйинг.
Манба: интернет тармоғи материалларидан
Изоҳ (0)