Франциянинг «ПСЖ» жамоаси «Барселона» ҳужумчиси Лионель Мессини ўз сафига қўшиб олишни хоҳлаяпти. Парижликлар томонидан музокарани «ПСЖ» спорт директори, каталонияликларнинг собиқ аъзоси Патрик Клюйверт олиб бормоқда. Бу ҳақда «Чемпионат» хабар бермоқда.
Патрик Клюйверт аргентиналик ҳужумчининг отаси Хорхе Месси билан учрашиб, футболчининг ёзда трансфер қилиниши борасида музокара олиб борди.
Аввалроқ Англиянинг «Манчестер Сити» клуби 29 ёшли Мессининг трансфери учун 200 миллион евро тўлашга тайёр экани ҳақида хабарлар пайдо бўлганди.
Қайд этиш жоиз, Лионель Мессининг каталонияликлар билан амалдаги шартномаси 2018 йилнинг ёзига қадар мўлжалланган.
Маълумот учун, жорий мавсумда Месси Испания чемпионатининг 10 ўйинида майдонга тушиб, 9 та гол ва 3 та голли узатмага муаллифлик қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)