ОАВ: Facebook фойдаланувчилар янгиликларини назорат қилувчи дастурий таъминот ишлаб чиқди

Facebook ижтимоий тармоғи турли мамлакатлардаги фойдаланувчиларининг янгиликлар тасмаларини назорат қилиш (цензура қилиш) имконини берувчи дастурий восита ишлаб чиқди, деб ёзади «ТАСС» The New York Times’га таяниб.

Нашр манбаларига кўра, ушбу дастурий таъминот махфий ҳисобланади. У ижтимоий тармоқни Хитойда оммалаштириш учун атайлаб ушбу мамлакатда қўллаш учун яратилган. Уни ишлатиш бўйича якуний режалар ҳозирча йўқ.

Нашр таъкидлашича, Facebook раҳбарияти фойдаланувчилар тасмаларидан қандай янгиликлар, хабарлар ёки мавзулар олиб ташланиши устидан ўзи назорат олиб бормоқчи эмас. Янги функция ушбу имкониятни учинчи томонга тақдим этиш имконини беради. Бу ҳолда ушбу ваколатлар Facebook’нинг шериги бўлган Хитой компаниясига берилиши мумкин.