Испаниянинг «Барселона» жамоаси раҳбарияти аргентиналик ҳужумчи Лионель Месси билан шартномани узайтириш борасида иш олиб боришда давом этмоқда, дея маълум қилди «Чемпионат».
Таъкидланишича, Аргентина терма жамоаси сардори отаси билан биргаликда «Реал»га қарши навбатдаги «Эль-Класико»дан сўнг 2018 йилнинг ёзига қадар амал қилувчи келишувини узайтириш бўйича катлонияликлар билан музокара ўтказишни режалаштирмоқда.
«Барселона» бонусларсиз Мессига йилига 24 миллион евродан ошадиган маош таклиф қилмоқчи. Айни дамда унинг маоши турли бонуслар билан 29 миллион еврони ташкил этмоқда.
Қайд этиш жоиз,илгарироқ матбуотда аргентиналик футболчи «Барселона» билан келишув муддатини узайтирмасликка қарор қилгани ҳақида хабар тарқалди. Goal’нинг Мессига яқин бўлган манбаси бу ҳақиқат эмаслигини билдирди. Кейинроқ Месси Янги йил байрамидан сўнг каталонияликлар билан шартномасини узайтириш борасида музокара ўтказиши маълум қилинганди.
Бир муддат аввал эса Лионель Месси футболчилик фаолиятини ўзининг биринчи клуби – Аргентинанинг «Ньюэллз Олд Бойз» клубида якунламоқчи экани ҳамда каталонияликлар билан янги шартнома имзоланса, у ерга кетиш имконини берувчи банднинг киритилишини истаётгани ҳақида хабар берилганди.Маълумот учун, Испания чемпионати 14-туридан ўрин олган «Барселона» ва «Реал» ўртасидаги «Эль-Класико» 3 декабрь куни «Камп Ноу» стадионида бўлиб ўтади. Учрашув Тошкент вақти билан соат 20:15 да бошланиши режалаштирилган.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)