17 ноябрь куни Ўзбекистонга етиб келган Туркия Республикаси Президенти Ражаб Тоййиб Эрдўғон Самарқанд шаҳрида Ўзбекистон Республикасининг Биринчи Президенти Ислом Каримов қабрини зиёрат қилди. Бу ҳақда «Газета.uz» хабар бермоқда.
Ражаб Тоййиб Эрдўғон Ислом Каримов қабрига гуллар қўйиб, Ўзбекистон Биринчи Президенти хотирасига ҳурмат бажо келтирди.
Ражаб Тоййиб Эрдўғон бошчилигидаги Туркия делегациясига Ўзбекистон Республикаси Президенти вазифасини бажарувчи Шавкат Мирзиёев ҳамроҳлик қилди.
Хабарда таъкидланишича, Ўзбекистон мусулмонлари идораси раҳбари, муфтий Усмонхон Алимов томонидан ўқилган тиловатдан сўнг Ражаб Тоййиб Эрдўғон ва Шавкат Мирзиёев музокара ўтказиш учун йўл олди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)