10 ёшли футболчи боланинг илҳомбаҳш сўзлари интернетда машҳур бўлиб кетди, жамоаси эса чемпион бўлди (видео)

«Ньюеллс Олд Бойз» U10 сардори Максимилиано Парьенте «Росарио Сентрал»га қарши футбол ўйини олдидан жамоадошларини руҳлантираётгани акс этган видео сабаб машҳур бўлиб кетди, — деб ёзди «Championat.asia» нашри.

Болакайнинг нутқини видеони кўриш орқали эшитиш мумкин. Сўзларининг таржимаси эса қуйида келтирилган.

«Бу биз учун финал — бутун йилимизни фақат шу учрашув учун сафрладик. Бу футболкаларни кийган кунимизни эсланг! Бизни қаттиқ чарчатган машғулотларимиз ва кунларимизни ёдга олинг! Йигитлар, ҳозир ҳаммаси якунига етади. Бугун биз ўзимиз учун ғалаба совға қилиб, чемпион бўламиз! Бор диққат-эътиборимизни майдонга қаратишимиз ва боримизни бериб ўйнашимиз керак. Учрашув қандай натижа билан якунланмасин, биз бир жамоа бўлиб қолаверамиз! Росариодаги энг шарафли либос учун боримизни берамиз, олға! Ҳаммаси ‘Ньюеллс Олд Бойз’ учун!».

Беллашув 0:0 ҳисобидаги дуранг билан якунланди. Бу эса Максимилиано Парьенте жамоасининг чемпионлиги учун кифоя қилди.