Xiaomi компанияси октябрь охирида тақдим этган Xiaomi MIX смартфони билан боғлиқ илк муаммолар маълум қилинди, деб ёзади «Hi-tech.mail.ru». Қурилманинг ромсиз экрани ўта заиф ва тез синадиган бўлиб чиқди.
Xiaomi MIX чекланган нусхада чиқарилади ва камида 520 доллардан сотилади. My Drivers манбаси смартфоннинг ташқи кўриниши чиройли бўлса-да, у биринчи қулашидаёқ экрани шикастланиши ҳақида огоҳлантирди.
Қурилма ерга тушиб кетганидан сўнг, экрани ишдан чиқиши мумкин. Шишанинг қайрилган чети смартфоннинг юқори қиррасига кирган. Агар Xiaomi MIX тепа қирраси билан ерга тушса, қурилма шу заҳоти ёриқлар билан қопланади.
Шунингдек, смартфоннинг сополдан ишланган орқа панели ўта силлиқлигидан уни тушириб қўйиш осон эканлиги таъкидланди ва қурилмани ғилофга солиш тавсия этилди.
Изоҳ (0)